Lotto

Occurred: A few years in the past
Written: Nov 9/11, 2012

9pm. Excited kong binuksan ang tv dahil bola na ng lotto. Gaya ng nakagawian ko araw araw, bumili uli ako ng tiket sa lotto para sa bola ngayon. Sino naman ang hindi bibili e tumataginting na higit isandaang milyon ang jackpot prize. Kahit saang lotohan, mahaba ang pila. Laman na rin siya ng mga balita ngayon. Excited ang lahat malaman kung may mananalo.

Ayan na. Umpisa na ng bola. May nakapagsabi sa akin na may bayad pala yung mga nakukuhang judges (miron) sa bawat bola ng PCSO. Di ko tanda kung magkano pero higit daily minimum wage. Okay na rin kasi tutunganga lang naman sila dun. Ichecheck lang nila na walang dayaang nangyayari.

Uy! Nakuha ko ang unang numero. Ayos.

Uy! Pati pangalawang numero! Yey! Apat na lang!

Hala! Tatlo na! Mananalo ata ako. Wow! Pag nanalo ako, bibigay ko sa simbahan ang ikapu. Tapos magtatayo ako ng foundation ko para sa scholarship sa bayan namin. Bibigyan ko din ng tigsampung milyon mga kapatid ko pati si Nanaytot.

OMG! Apat na numero na! *Napasuntok sa hangin, takbo sa bintana at sumilip sa mga kapitbahay* Teka, dapat cool lang ako. Dapat hindi malaman ng mga kapitbahay na nanalo ako kung sakali. Kung pupunta ako sa opisina ng PCSO, magdadamit pulubi ako para hindi halata. I-invest ko muna yung kalahati ng jackpot para buhay na ako hanggang sa pagtanda. Pwede kong i-time deposit siguro. O kaya bibili ako ng mga malaking malaking bukirin tapos ipapasaka ko. Tapos magfranchise ako ng jabi! Oo! Mabilis ang ROI (return of investment) nun. Tapos magreresign na rin agad ako at mamamasyal ako sa buong mundo. Kayang kaya ko na ring bumuhay ng limang panganay nun. Syet! Ano pa kayang pwede kong gawin?

Fuck! Di nakuha ang sunod na numero. Kung anong bilis kong mangarap, ganun din kabilis mawala. Ay teka, baka pwede ba sa limang numero. Ilang libo din ang premyo dun.

Ay buset! apat lang nakuha ko. Hmp! Okay na rin ang 800 kesa wala.

Nakarelate tuloy ako sa nanay kong muntik ng nanalo ng 39M jackpot. Araw araw siyang tumataya ng lotto gamit ang alaga niyang numero. Nagkataon na hindi siya nakataya noong araw na lumabas ang numero niya. Ilang araw ding iniyakan ng nanay ko yun. Oh well, ganyan talaga ang buhay. Kunswelo na lang na lagi siyang nanalo ng huweteng sa amin (kahit ilang beses kong sabihan si nanaytot na huwag tumaya, lagi akong talo sa diskusyon kasi lagi nga naman siyang nananalo).

A few weeks earlier naman, kabaliktaran ang nangyari sa uncle ko. Nanalo siya ng 24.5M sa lotto. 49M ang jackpot at dalawa silang nanalo kaya hati sila. Ang ginawa niya, nagresign agad sa trabaho at bumili ng malaking bukirin sa probinsiya. Naging magsasaka na lang siya. Parehas na CPA ang uncle at auntie ko kaya tiyak na alam na nila kung paano palalaguin ang perang napanalunan nila.

Mula nung tumataya ako ng lotto, dalawang beses pa lang ako nanalo ng 800 petots. Madami dami rin naman sa balik taya. Pero manalo man o matalo, lagi pa rin akong tumataya. Alam ko naman kasing sa charity rin napupunta ang kinikita ng PCSO. Kesa ibigay ko sa mga namamalimos sa kalsada (fyi: labag sa batas ang magbigay ng limos sa kalsada) itataya ko na lang. May pagkakataon pa akong maging instant millionaire.

Amen.